اسماء روز غدیر

غدیر کی عظمت و منزلت کے سلسلہ میں گفتگو اور قلم چلانا کوئی اسان کام اور ہر کسی کے بس کی بات نہیں ، غدیر کے سلسلہ میں وہی بول سکتا ہے اور لکھ سکتا ہے جس نےغدیر کی تخلیق کی ہو کیوں کہ غدیر رسالت و امامت کی وہ سنہری گھڑی ہے جب مرسل اعظم صلی اللہ علیہ والہ وسلم نے خدا کے حکم سے امیرالمومنین علی ابن ابی طالب علیہ السلام کی ولایت ، خلافت اور وصایت کا اعلان فرمایا ۔

قران کریم کی ایت کریمہ « يَا أَيُّهَا الرَّسُولُ بَلِّغْ مَا أُنْزِلَ إِلَيْكَ مِنْ رَبِّكَ ؛ اے رسول! جو کچھ آپ کی طرف آپ کے رب کی جانب سے نازل کیا گیا ہے وہ پہنچا دیجئے » (۱)  اس کی بات کی بیانگر ہے کہ غدیر میں خدا کا ارادہ شامل ہے ، غدیر کے دن رسول اسلام (ص) ، خدا کے ارادہ کو جامہ عمل پہنانے پر موظف ہوئے اور اپ نے « من كنت مولاه فعلى مولاه ؛ میں جس کا مولا ہوں علی اس کے مولا ہیں » کے وسیلہ علی علیہ السلام کو مسلمانوں کا ولی اور ذمہ دار ہونے کا اعلان فرمایا ۔

غدیر؛ روز ارادہ خدا اور ابلاغ حکم الہی

« فانزل الله على نبيه فى يوم الدوح ما بين به عن ارادته فى ‏خلصائه و ذى اجتبائه و امره بالبلاغ » خداوند متعال نے اونچے اور مضبوط درختوں کے دن جو کچھ بھی اس نے اپنے مخلص اور منتخب بندے کے لئے ارادہ کیا تھا اپنے پیغمبر [ص] پر نازل کیا اور اسے حکم دیا کہ لوگوں تک پہونچا دے [يَا أَيُّهَا الرَّسُولُ بَلِّغْ مَا أُنْزِلَ إِلَيْكَ مِنْ رَبِّكَ ؛ اے رسول! جو کچھ آپ کی طرف آپ کے رب کی جانب سے نازل کیا گیا ہے وہ پہنچا دیجئے ] ۔

لفظ «دوح‏» لمبے ، اونچے اور قدرتمند درختوں کے معنی میں ہے ، یہ لفظ درحقیقت غدیر خم کا جغرافیا بیان کرتا ہے کہ " اس اونچے اور مضبوط درختوں کے دن " ایت نازل ہوئی ، وہ دن ۱۸ ذی الحجہ کا دن ہے ، جس دن حضرت جبرئیل امین مرسل اعظم (ص) پر نازل ہوئے اور اپ کو حکم الھی پہونچایا « يَا أَيُّهَا الرَّسُولُ بَلِّغْ مَا أُنْزِلَ إِلَيْكَ مِنْ رَبِّكَ ؛ اے رسول! جو کچھ آپ کی طرف آپ کے رب کی جانب سے نازل کیا گیا ہے وہ پہنچا دیجئے » (۳) کہ حاجیوں کے بھرے مجمع میں علی علیہ السلام کی ولایت کا اعلان فرمائیں ۔  

ایت کریمہ میں موجود اس ٹکڑے « بَلِّغْ مَا أُنْزِلَ إِلَيْكَ ‏» سے بات واضح ہے کہ غدیر کا دن امام علی علیہ السلام کی ولایت و خلافت کے اعلان کا دن ہے ، اس دن لوگوں کو فقط اس بات سے اگاہ کیا گیا ہے کہ خدا نے اپنے «ولى‏» کو منصوب کردیا اور پغمبر (ص) کو موظف کیا کہ وہ لوگوں کو اس بات اگاہ کردیں ۔

خداوند متعال کی بارگاہ میں دعا ہے کہ ہم سبھی مو موالیان امام علی علیہ السلام میں قرار دے اور راہ ہدایت و امامت پر چلنے کی توفیق نصیب کرے ۔

۔۔۔۔۔۔۔۔۔۔۔۔۔۔۔۔۔۔

حوالہ:

۱: قران کریم ، سورہ مائدہ ، ایت ۶۷ ۔

۲: قران کریم ، سورہ مائدہ ، ایت ۳ ۔

۳: قران کریم ، سورہ مائدہ ، ایت ۶۷ ۔