خوش مزاجی کے آخرت میں فائدے، احادیث کی روشنی میں

     رسول اللہ (صلّی اللہ علیہ وآلہ وسلّم) نے ارشاد فرمایا: "أوّلُ مَا يُوضَعُ فى ميزانِ العَبدِ يَومَ القِيامَةِ حُسنُ خُلقِهِ"، "پہلی چیز جو بندے کے میزان میں قیامت کے دن رکھی جائے گی اس کی خوش مزاجی ہے"۔ [بحار الانوار، ج71، ص385]
حضرت امیرالمومنین علی (علیہ السلام) فرماتے ہیں: "حَسِّنْ خُلْقَكَ يُخَفِّفِ اللَّهُ حِسابَكَ"، "اپنا اخلاق اچھا کرو تا کہ اللہ تمہارے حساب کو ہلکا کرے"۔ [بحار الانوار، ج71، ص383]
حضرت امام جعفر صادق (علیہ السلام) فرماتے ہیں: "انَّ الْخُلْقَ الْحَسَنَ يُميثُ الْخَطيئَةَ كَما تُميثُ الشَّمْسُ الْجَليدَ"، "یقیناً خوش مزاجی خطا کو پگھلا دیتی ہے جیسے سورج برف کو پگھلا دیتا ہے"۔ [بحار الانوار، ج14، ص464]
رسول اللہ (صلّی اللہ علیہ وآلہ وسلّم) ارشاد فرماتے ہیں: "اكْثَرُ ما تَلِجُ بِهِ امَّتِىَ الْجَنَّةَ تَقْوَى اللَّهِ وَ حُسْنُ الْخُلْقِ"، "سب سے زیادہ چیزیں جن کی وجہ سے میری امت جنت میں داخل ہوگی اللہ کا تقوی (اختیار کرنا) اور خوش مزاجی ہے"۔ [شرح الکافی، ج8، ص288]

۔۔۔۔۔
حوالہ جات:
[بحار الانوار، علامہ مجلسی]
[شرح الکافی، ملاصالح مازندرانی]