خوش مزاجی کے دنیاوی فائدے، احادیث کی روشنی میں

     رسول اللہ (صلّی اللہ علیہ وآلہ وسلّم) فرماتے ہیں: "حُسْنُ الْخُلْقِ يُثْبِتُ الْمَوَدَّةَ"، "خوش مزاجی، محبت کو مضبوط کرتی ہے"۔ [بحار الانوار، ج77، ص15]
حضرت امام جعفر صادق (علیہ السلام) فرماتے ہیں: "إِنَّ الْبِرَّ وَ حُسْنَ الْخُلْقِ يَعْمُرانِ الدِّيارَ وَ يَزيدانِ فِى الْأَعْمارِ"، "یقیناً نیکی اور خوش مزاجی زمینوں کو آباد کرتی ہیں اور عمروں کو بڑھاتی ہیں"۔ [بحار الانوار،ج1، ص151]
حضرت امیرالمومنین علی ابن ابی طالب (علیہ السلام) فرماتے ہیں: "فى‌ سِعَةِ الْأَخْلاقِ كُنُوزُ الْأَرْزاقِ"، "نرم مزاجی میں رزق کے خزانے ہیں"۔ [بحار الانوار،ج78، ص53]
نیز آپؑ فرماتے ہیں: "كَمْ مِنْ وَضيعٍ رَفَعَهُ حُسْنُ خُلْقِهِ"، "کتنے کم حیثیت لوگ جنہیں ان کی خوش مزاجی نے بلند کردیا"۔ [غرر الحكم و درر الكلم، ج1، ص515]
نیز آپؑ کا  ارشاد گرامی ہے: "مَنْ حَسُنَ خُلْقُهُ سَهُلَتْ لَهُ طُرُقُهُ"، "جس کا اخلاق اچھا ہو اس کے لئے اس (کی زندگی) کے راستے آسان ہوجاتے ہیں"۔ [غرر الحكم و درر الكلم، ج1، ص619]
۔۔۔۔۔۔
حوالہ جات:
[بحار الانوار، علامہ مجلسی]
[غرر الحكم و درر الكلم، آمدی]