اہلسنت سے منقول خطبہ غدیر میں امیرالمؤمنین علی (ع) کے فضائل (۲)

علم کا سمندر

پیغمبر آعظم صلی ‌الله‌ علیہ وآلہ نے امیرالمؤمنین علی ابن ابی طالب علیہ ‌السلام کے علم سلسلہ میں فرمایا: «مَعَاشِرَ النَّاسِ مَا مِنْ عِلْمٍ إِلَّا وَ قَدْ أَحْصَاهُ اللَّهُ فِيَّ وَ كُلُّ عِلْمٍ عَلِمْتُ فَقَدْ أَحْصَيْتُهُ فِي إِمَامِ الْمُتَّقِينَ وَ مَا مِنْ عِلْمٍ إِلَّا عَلَّمْتُهُ عَلِيّاً وَ هُوَ الْإِمَامُ الْمُبِينُ» [1]

« اے لوگوں ! کوئی ایسا علم نہیں ہے خدا نے جس کی مجھے تعلیم نہ دی ہو اور میں نے جو کچھ بھی خدا سے سیکھا تھا اسے متقین کے امام و رہبرکو تعلیم دی ہے ، کوئی ایسا علم نہیں ہے جس علم کی میں نے [امام علی علیہ السلام] کو تعلیم نہ دیا ہو ، وہ امام مبین ہیں ۔

یہ بات بغیر بیان کئے ہی عیاں اور واضح ہے کہ اس خطبہ کے معنی اور مفھوم حدیث «مدینة العلم» کی جانب اشارہ کرتی ہے ، اس حدیث میں خاتم الأنبیاء نے فرمایا: « أنَا مَدینَهُ العِلمِ وعَلِیٌّ بابُها ؛ میں شھر علم ہوں اور علی اس کے دروازہ ہیں» ۔ [2]

مخصوص لقب

پیغمبر اکرم صلی ‌الله‌ علیہ وآلہ نے اپنے خطبہ کے دوسرے حصہ میں امام علی علیہ السلام کی دوسری صفت کی جانب اشارہ کرتے ہوئے فرمایا: « أَلا وَقَدْ بَلَّغْتُ، أَلاوَقَدْ أَسْمَعْتُ، أَلاوَقَدْ أَوْضَحْتُ، أَلا وَ إِنَّ الله عَزَّوَجَلَّ قالَ وَ أَنَا قُلْتُ عَنِ الله عَزَّوَجَلَّ، أَلاإِنَّهُ لا «أَميرَالْمُؤْمِنينَ» غَيْرَ أَخي هذا أَلا لاتَحِلُّ إِمْرَةُ الْمُؤْمِنينَ بَعْدي لاِحَدٍ غَيْرِهِ.؛ اگاہ رہو کہ میں نے پہنچا دیا ، اگاہ رہو کہ میں نے سنا دیا ، اگاہ رہو کہ میں نے واضح کردیا کہ یہ خدا کا حکم کا ہے اور میں نے اس کی جانب سے تمہیں پہنچایا ہے ، اگاہ رہو کہ میرے اس بھائی کے علاوہ کسی کو امیرالمومنین نہ کہا جائے ، اگاہ رہو کہ میرے بعد مومنین کی حکومت ان کے سوا کسی اور کے حوالے نہ کی جائے ۔ [3]

بعض اھل سنت کتابیں بھی اس بات کی بیانگر ہیں کہ ابوبکر، عمربن ‌خطاب و عائشہ ، خاتم ‌الأنبیاء حضرت محمد مصطفی صلی ‌الله‌ علیہ وآلہ و سلم کی زندگی اور انحضرت کی حیات میں امام علی علیہ ‌السلام کو «امیرالمؤمنین» کے لقب سے یاد کیا کرتے تھے ۔ [4]

۔۔۔۔۔۔۔۔۔۔۔۔۔۔

حوالہ:

[1]. طبرسی، احمد، الاحتجاج، نشر مرتضی، ج‏1، ص: 60  ۔

[2]. طبری، محمد، تهذیب الآثار، مطبعة المدني، ص: 105 ؛ فیروزآبادی،‌ مرتضی، فضائل الخمسة من صحاح الستة، مجمع جهانی اهل‌بیت، ج2، ص: 308 ۔

[3]. طبرسی، احمد، الاحتجاج، نشر مرتضی، ج‏1، ص: 60-61 ۔

[4]. سید ابن‌ طاووس، علی، اليقين باختصاص مولانا علي عليه السلام بإمرة المؤمنين، دار الکتاب، ص: 133-134 ۔