علم و تقویٰ اور افکار و کردار کی پاکیزگی میں ایت اللہ خامنہ ای کا ثانی نہیں

Wed, 01/11/2023 - 09:48

مجلس وحدت مسلمین پاکستان کے مرکزی سیکرٹری تنظیم حجت الاسلام والمسلمین مقصود علی ڈومکی نے فرانسیسی اخبار چارلی ایبڈو کی جانب سے رہبر انقلاب اسلامی کی شان میں گستاخی کی شدید الفاظ میں مذمت کی ۔

انہوں نے کہا : چارلی ایبڈو وہ منحوس فرانسیسی اخبار ہے جو اس سے قبل انبیاء الہی آسمانی ادیان خصوصاً دین اسلام اور پیغمبر اسلام صلی اللہ علیہ وآلہ وسلم کی شان اقدس میں بھی گستاخی کرچکا ہے۔

حجت الاسلام والمسلمین ڈومکی نے کہا: حضرت آیت اللہ العظمی سید علی خامنہ ای فقط ایک ملک کے سربراہ نہیں بلکہ وہ حریت و آزادی شجاعت و ایثار ظلم ستیزی اور مقاومت کے علمبردار دنیا کے کروڑوں انسانوں کے محبوب رہبرِ و رہنما ہیں جو نائب امام مہدی علیہ السلام کی حیثیت سے ولی فقیہ کے عظیم منصب پر فائز ہیں ، ان کی ذات گرامی کی توہین سورج پر تھوکنے کے مترادف ہے۔

انہوں نے کہا : اگر موجودہ دنیا کے لیڈروں میں تلاش کیا جائے تو علم و تقویٰ اور افکار و کردار کی پاکیزگی میں سید خامنہ ای کا ثانی موجود نہیں وہ اپنے پاکیزہ کردار کے ذریعے سورج کی طرح دنیا کی تاریکیوں میں نور ھدایت پھیلا رہے ہیں۔

مجلس وحدت مسلمین پاکستان کے مرکزی سیکرٹری تنظیم نے کہا: آزادی اظہار کے جھوٹے مغربی علمبردار سردار شہید حاج قاسم سلیمانی کی تصویر سے کیوں اتنے خوفزدہ ہیں ، تعجب ہے جن کی نگاہ میں انبیاء کرام اور اولیائے خدا کی توہین آزادی اظہار کے زمرے میں آتی ہے وہ سید مقاومت اور سردار شہید کی فکر کے اظہار کو کیوں روکتے ہیں کیا یہ آزادی اظہار اور آزادی بیان نہیں ہے ؟ فیس بک اور سوشل میڈیا پر قدغن لگا کر حق و صداقت کی آواز کو نہیں دبایا جا سکتا !

Add new comment

Plain text

  • No HTML tags allowed.
  • Web page addresses and e-mail addresses turn into links automatically.
  • Lines and paragraphs break automatically.
4 + 10 =
Solve this simple math problem and enter the result. E.g. for 1+3, enter 4.
ur.btid.org
Online: 26