تربیت امام سجاد کی نگاہ میں

تربیت انسانی حیات کا لازمہ ہے غیر تربیت یافتہ انسان کی معاشرہ میں کوئی قدر و قیمت نہیں ہوتی ، خداوند متعال نے مرسل اعظم حضرت محمد مصطفی صلی اللہ علیہ و الہ وسلم ، دیگر رسولوں اور اماموں کو اخلاق و تربیت کے اعلی ترین درجہ پر فائز کیا ہے ۔

سید الساجدین، زین العابدین، فرزند رسول، امام چھارم حضرت علی ابن الحسین سید سجاد علیہما السلام نے اپنے بیان میں تربیت جو گوشے بیان فرمائے ہیں اس پر عمل سے انسانی معاشرہ گلستان بن سکتا ہے ۔  

۱: عَجَباً کُلّ الْعَجَبِ لِمَنْ عَمِلَ لِدارِ الْفَناءِ وَتَرَکَ دارَ الْبقاء ۔ (۱)

مجھے تعجب ہے اُس شخص پر جو دارِ فنا کے لئے تو (خوب) عمل کرتا ہے، مگر دارِ بقا کو چھوڑ دیتا ہے ۔

۲: نَظَرُ الْمُؤْمِنِ فِى وَجْهِ أخِیهِ الْمُؤْمِنِ لِلْمَوَدَّهِ وَالْمَحَبَّهِ لَهُ عِبادَه ۔ (۲)

اپنے برادرِ مومن کے چہرے پر محبت و الفت بھری نگاہ ڈالنا عبادت ہے۔

۳: إنَّ أفْضَلَ الْجِهادِ عِفَّهُ الْبَطْنِ وَالْفَرْج ۔ (۳)

با فضیلت ترین جہاد اپنے شکم اور شرمگاہ کی حفاظت ہے۔

۴: لَوْ یَعْلَمُ النّاسُ ما فِى طَلَبِ الْعِلْمِ لَطَلَبُوهُ وَ لَوْبِسَفْکِ الْمُهَجِ وَ خَوْضِ اللُّجَجِ ۔ (۴)

اگر لوگ طلب علم کی فضیلت سے آگاہ ہو جاتے تو پھر وہ اسکی طلب میں خون بہانے اور گہرے سمندروں میں غوطہ لگانے پر بھی تیار ہو جاتے۔

۵: مَنْ زَوَّجَ لِلّهِ، وَوَصَلَ الرَّحِمَ تَوَّجَهُ اللّهُ بتَاجِ الْمَلَکِ یَوْمَ الْقِیامَهِ ۔ (۵)

جو شخص خوشنودیٔ خدا کے لئے شادی کرے اور اپنے عزیز رشتہ داروں کے ساتھ ناتہ جوڑے رکھے تو خداوند عالم روز قیامت اُسے تاج ملک سے نوازے گا۔

۶: اَلْخَیْرُ کُلُّهُ صِیانَهُ الاْنْسانِ نَفْسَهُ ۔ (۶)

تمام خیر و سعادت اس بات میں ہے کہ انسان اپنے اوپر قابو رکھے۔

۷: سادَةُ النّاسِ فی الدُّنْیا الاَسْخِیاء، وَ سادَةُ الناسِ فی الاخِرَةِ الاَتْقیاء ۔ (۷)

سخی افراد دنیا میں اور تقی (با تقوا) افراد آخرت میں لوگوں کے سید و سردار ہیں۔

۸: کانَ [رسولُ الله] إذا أوَى إلىَ مَنزِلِهِ، جَزَّءَ دُخُولَهُ ثَلاثَةَ أجزَاءٍ: جُزءاً لِلَّهِ، وَجُزءاً لِأهلِهِ، وَجُزءاً لِنَفسِهِ ۔ (۸)

پیغمبر اسلام صلی اللہ علیہ والہ وسلم ارشار فرماتے ہیں : اپنے وقت کو تین حصوں میں تقسیم کرو؛ ایک حصہ اپنے پروردگار کے لئے، ایک حصہ اپنے بال بچوں کے لئے اور ایک حصہ خود اپنے لئے۔

۹: مَا مِن قَطرَةٍ أَحَبُّ إِلَی الله عَزَّوَجَل مِن قَطرَةِ دَمٍ فِی سَبِیلِ الله و قَطرَةِ دَمعَةٍ فِی سَوادِ اللَّیل ۔ (۹)

خداوند عالم دو قطروں کو خوب پسند کرتا ہے: ایک راہ خدا میں بہنے والا خون کا قطرہ اور ایک شب کی تاریکی میں آنکھوں سے بہنے والے آنسو کا قطرہ ۔

(۱۰) مَن عَمِلَ بما افتَرَضَ اللهُ عَلَیهِ فَهُوَ مِن خَیر النَّاس ۔ (۱۰)

جو شخص واجبات خدا پر عمل کرتا ہو، وہ سب سے بہتر و بالاتر شخص ہے۔

(۱۱) الدُّعاءُ یَدفَعُ البَلاءَ النّازِلَ وَما لَم یَنزِلْ ۔ (۱۱)

دعا سے نازل ہو چکی اور نازل ہونے والی، دونوں بلائیں دور ہوتی ہیں۔

(۱۲) الذُّنُوبُ الّتى تُنزِلُ النِّقَمَ عِصیانُ العارِفِ بِالبَغىِ وَ التَطاوُلُ عَلَى النّاسِ وَ الاِستِهزاءُ بهِم وَ السُّخریَّةُ مِنهُم ۔ (۱۲)

تین گناہ ہیں جو نزول عذاب کا باعث بنتے ہیں: شعور و آگاہی کے ساتھ کسی پر ستم کرنا، دوسروں کے حقوق پامال کرنا اور دوسروں کا مذاق اڑانا ۔

(۱۳) آیاتُ الْقُرْآنِ خَزائِنُ الْعِلْمِ، کُلَّما فُتِحَتْ خَزانَةٌ، فَیَنْبَغی لَکَ أنْ تَنْظُرَ ما فیها ۔ (۱۳)

قرآنی آیات علوم کا خزانہ ہیں، جب کبھی کوئی خزینہ کھولا جائے تو اسے خود اچھی طرح ٹٹولا کرو۔

(۱۴) إیّاکَ وَمُصاحَبَةُ الْفاسِقِ، فَإنّهُ بائِعُکَ بِأَکْلَةٍ أوْ أَقَلّ مِنْ ذلِکَ وَإیّاکَ وَمُصاحَبَةُ الْقاطِعِ لِرَحِمِهِ فَإنّى وَجَدْتُهُ مَلْعُونا فى کِتاب ِاللّهِ ۔

فاسق و فاجر شخص کے ساتھ دوستی کرنے سے بچو، کیوں کہ وہ تمہیں چند لقموں حتیٰ ایک لقمے کے عوض فروخت کر دے گا۔اسی طرح عزیز رشتہ داروں سے قطع تعلق کرنے والے کی دوستی سے بھی پرہیز کرو، کیوں کہ میں نے کتابِ خدا میں اُسے ملعون پایا ہے۔

۔۔۔۔۔۔۔۔۔۔۔۔۔۔۔۔
حوالہ :
۱: بحارالأنوار: ج 73، ص 127، ح 128

۲: تحف العقول، ص 204، /بحارالأنوار، ج 78، ص 140، ح 3

۳: مشکاۃ الأنوار، ص 157، س 20

۴: اصول کافى، ج 1، ص 35، /بحارالأنوار، ج 1، ص 185، ح 109

۵: مشکاه الأنوار، ص 166

۶: تحف العقول، ص201، /بحارالأنوار، ج 75، ص 136، ح 3

۷: مشکاة الا نوار، ص 232، س 20، /بحارالا نوار، ج 78، ص 50، ح 77

۸: مکارم الأخلاق، ج 1، ص 44

۹: : خصائل الصدوق، ص 50

۱۰:: جهاد النفس ح 237

۱۱: الکافی، ج 2 ، ص 469 ح 5،/میزان الحکمة، ج 2 ، ص 870

۱۲: معانى الاخبار ، ص 270

۱۳: مستدرک الوسائل، ج 4، ص 238، ح 3

۱۴: تحف العقول ص 202، /بحارالا نوارف ج 74، ص 196، ح 26