ہے روایت نبی(ص) کی زبانی/میری زھرا(س) ہے میری نشانی/من أذاھا فقد أذانی

من أذاھا فقد أذانی

ہے روایت نبی(ص) کی زبانی  
میری زھرا(س) ہے میری نشانی
  
من أذاھا فقد أذانی
 
آپکے بعد ہائے میرے بابا جاں 
مجھ پہ ٹوٹے مصائب کے کوہ گراں 
  
 گر وہ پڑجاتے دن پہ تو مثل فغاں 
 شب تاریک کی طرح دیتے دھواں
  
غم بھری میری سن لو کہانی
من أذاھا فقد أذانی
 
  ہائے حق میرا مجھ سے ہی چھینا گیا  
 دیکھکر جسکو انصاف شرما گیا 
   
کوہ ظلم و ستم مجھ پہ توڑا گیا 
بارش ظلم میں چاند گہنا گیا 
   
*سن لو بابا میری یہ سنانی
من أذاھا فقد أذانی
   
  ہائے دربار میں آپکی مہہ لقا 
  جب بلائی گئی یا شہ قل کفیٰ
   
 بانئ شر تھے مسند نشیں باخدا  
 ہنس رہے تھے مجھے دیکھکر بے حیا 
   
میں ہوئی شرم سے پانی پانی
من أذاھا فقد أذانی
   
  جلتا دروازہ مجھ پہ گرایا گیا  
  میرا محسن نہ مجھ سے بچایا گیا 
   
  اُف کہ گُرزِ گراں بار مارا گیا 
  میرا پہلو شکستہ کرایا گیا 
   
 *یہ مصیبت تھی مجھکو اٹھانی
من أذاھا فقد أذانی
   
  میرے بابا مصائب کی یہ سختیاں  
  میرے دل پہ لگاتی رہیں سیلیاں 
   
  آؤ دیکھو زمانے کی نَیرنگیاں  
  باندھتے ہیں علی کو لعیں رسیاں
   
*بھول بیٹھے علی کی جوانی
من أذاھا فقد أذانی
   
  شاہراہِ مصائب پہ زھرا کا گھر  
  کر رہا ہے ہدایت بصد کَرّ و فَر
   
  انکے در پر ملائک جھکاتے ہیں سر 
  آؤ سجدہ کریں فیضئ بے خبر
   
موت آتی بس ناگہانی
من أذاھا فقد أذانی
   
  _از قلم: سید لیاقت علی کاظمی (فیضیؔ)