دشمن کو دوست بنانے کا طریقہ

بسم اللہ الرحمن الرحیم
     معصومین(علیہم السلام) کی سیرت میں یہ بہت زیادہ نمایاں ہے کہ انھوں نے ہمیشہ ہر کسی کے ساتھ حسن اخلاق کے ساتھ برتاؤ کیا، انھوں نے کبھی بھی کسی کے ساتھ فحش کلامی یا بدزبانی نہیں کی یہاں تک کہ اگر کسی نے ان کے ساتھ بدکلامی بھی کی تب بھی انھوں نے اپنے اخلاق کے ان گوہر کو پیش کیا کہ جس  کے ذریعہ ان کے دشمن بھی ان کے قدموں پر گرگئے جیسا کہ ایک نصرانی امام باقر(علیہ السلام) کے اخلاق کو دیکھ کرمسلمان ہوگیا:
     نصرانی نے امام(علیہ السلام) سے کہا: تم بقر(گائے ) ہو،
     امام(علیہ السلام) نے فرمایا: نہیں میں باقر ہوں،
     اس نے امام(علیہ السلام) کی اس طرح بہت توہین کرنے کی کوشش کی، لیکن امام(علیہ السلام) نے اس کے تمام بے ادبی کا جواب بڑے ہی ادب اور اخلاق کے ساتھ دیا، جب اس نصرانی نے امام(علیہ السلام) کے یہ اخلاق دیکھے تو اس نے اسی وقت اسلام کو قبول کرلیا۔[مناقب آل أبي طالب( عليهم السلام) ج۴، ص۲۰۷]۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
 مناقب آل أبي طالب( عليهم السلام)، ابن شهر آشوب مازندرانى، ج۴، ص۲۰۷، علامه‏، قم‏،۱۳۷۹ ق‏.