بیوی سے اظہار محبت

     محبت، لگاؤ، الفت یہ وہ الفاظ ہیں جن کا تعلق انسان کے قلب سے ہوتا ہے، یہ کیفیت انسان کے قلب میں پیدا ہوتی ہے اور جب تک وہ اس کا اظہار اپنی زبان یا عمل سے نہ کرے، تب تک وہ اسکے سینہ میں پوشیدہ رہتی ہیں اور شاید کبھی بھی اس سے کوئی روشناس نہ ہوسکے مگر یہ کہ وہ خود اپنی محبت کو برملا کردے۔
     زوجہ سے کی جانے والی محبت بھی دیگر تمام پاکیزہ محبت کی طرح قلب میں پوشیدہ رہتی ہے اور جب تک شوہر کسی بھی طرح سے اس کا اظہار نہیں کرتا تب تک زوجہ حقیقی معنیٰ میں اس سے واقف نہیں ہوپاتی ہے جس کے نتیجہ میں بعض اوقات اسے اطمینان قلب اور مکمل ذہنی سکون حاصل نہیں ہوتا۔ اس لئے ضرورت اس بات کی ہے کی شوہر حضرات اپنی ازواج سے اپنے قلبی تعلق اور لگاؤ کا ضرور اظہار کریں، اس سے نہ صرف ان کے رشتہ میں مضبوطی آئیگی بلکہ انکے گھر کا شیرازہ بہتر سے بہتر ہوتا نظر آئے گا۔
     اس بات کی تاکید ہماری دینی تعلیمات میں بھی ملتی ہے جس کی تائید میں پیغمبر اسلام کا یہ قول پیش خدمت ہے جس میں آپ نے فرمایا: مرد کا اپنی بیوی سے کہنا کہ میں تم سے محبت کرتا ہوں، اس کے دل سے کبھی نہیں نکلتا[الکافی، ج۵۰، ص ۵۶۹]۔ 
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اصول کافی، محمد ابن یعقوب کلینی۔