خلاصہ: خدا کے حکم سے سرپیچی نہ کرنا اور اس کے منع کئے ہوئے کاموں سے بچنا ہی تقویٰ ہے۔
ایک شخص امام صادق علیہ السلام کی خدمت مں حاضر ہوا اور آپ سے عرض کیا کہ مجھے کچھ نصیحت کیجئے، امام علیہ السلام نے فرمایا: التقوی لَا یَفْقِدُكَ اللَّهُ حَیْثُ أَمَرَكَ وَ لَا یَرَاكَ حَیْثُ نَهَاكَ (بحارالانوار) پرہیزگاری یہ ہے کہ جہاں پر حکم پروردگار ہو وہاں سے تم غایب نہ ہو اور جہاں پر نھی پروردگار ہو وہاں پر تم حاضر نہ رہو۔
اس بابرکت اور حکمت سے بھرپور کلام کی مختصر توضیح یہ ہے کہ انسان تمام واجبات کو انجام دے اور محرمات کو ترک کرے، اگر خدا نے کسی کام کو کسی وقت واجب قرار دیا ہے تو وہ ترک نہ ہوسکے یعنی ایسا نہ ہو کہ شیطان کے جال میں پھنس کر اپنے کو بندگی اور اطاعت کے مرحلہ سے خارج کردے۔
اور اگر کسی کام سے روکا ہے تو خدا نخواستہ شیطان کے بہکاوے میں آکراسے انجام دیکراپنی پاک و پاکیزہ روح کو آلودہ نہ کردے بلکہ کوشش کرے کہ ہر وقت اس پر نظر رکھنے والا پروردگار اسے گناہ میں ملوث نہ دیکھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بحار الانوار، ج ۷۰، ص ۲۸۵ .
Add new comment