کربلا> امن و امان> پیامبر
کربلا کے عصری تقاضوں میں سے ایک یہ ہے کہ مکتب کربلا کو بعنوان ایک عبرت گاہ کے اپنی زندگیوں میں عبرت کے حصول کا ذریعہ قرار دیں۔ اور کوشش کریں کہ 61 ھجری کی امت اسلامیہ کا کردار تکرار نہ ہو اور سید الشھداء (ع) کی عزادرای کا سب سے بڑا پیغام بھی یہی ہے۔
خلاصہ: کربلا کی بقا، حقیقت میں پیغمبر اکرم (ص) اور امیرالمومنین (ع) سے لیکر قیام قیامت تک بشریت کے دشمنوں کے خلاف اظہار نٖرائت اور صدائے احتجاج کا نام ہے اور ہر سال یہی پیغام لیکر محرم کا چاند فلک پہ نمودار ہوتا ہے۔
واقعہ کربلا ہمیں اس چیز کی طرف توجہ دلاتا ہے کہ ظلم اور ظالم کے سامنے کبھی بھی نہیں جھکنا چاہیے۔
تاریخ گواہ ہے کہ الہی نمایندوں کے مقابلے میں سب سے زیادہ چلنے والی تلوار جہالت ونادانی کی تلوار ہے جس کا مقابلے سارے اولیاء خدا نے کیا اور 61 ہجری میں کربلا کا جھاد بھی اسی تاریخی نادانی وجہالت کے خلاف تھا۔
عاشورا، ظلم، ظالم، باطل اور یزیدیت کے خلاف انقلاب کا آغاز تھا۔ امام حسین (ع) نے یزید سے صاف صاف کہہ دیا تھا کہ مجھ جیسا تجھ جیسے کی بیعت نہیں کر سکتا، یعنی جب بھی یزیدیت سر اٹھائے گی تو حسینیت اس کے مقابلے میں ڈٹ جائے گی، جب بھی یزیدیت اسلام کو چیلنج کرے گی تو حسینیت اسلام کو سربلند رکھے گی اور یزیدیت کو نابود کرے گی، اور اگر ایسا ہر زمانہ میں ہوجائے تو سماج اور معاشرہ میں ہمیشہ امن و امان باقی رہے گا۔
