زیارتِ امام حسینؑ، امام صادق ؑ کی لسان اطہر سے

بسم اللہ الرحمن الرحیم

حضرت امام جعفر صادق (علیہ السلام) فرماتے ہیں: "مَنْ أَرَادَ اللَّهُ بِهِ الْخَيْرَ قَذَفَ فِي قَلْبِهِ حُبَّ الْحُسَيْنِ )ع) وَ حُبَّ زِيَارَتِهِ وَ مَنْ أَرَادَ اللَّهُ بِهِ السُّوءَ قَذَفَ فِي قَلْبِهِ بُغْضَ الْحُسَيْنِ وَ بُغْضَ زِيَارَتِهِ" (کامل الزیارات، ص۱۴۲)، "اللہ جس شخص کے لئے خیر کا ارادہ کرے تو اس کے دل میں حسین (علیہ السلام) کی محبت اور آپؑ کی زیارت کی محبت ڈال دیتا ہے اور اللہ جس شخص کا، بُرا چاہے اس کے دل میں حسین (علیہ السلام) کا بغض اور آپؑ کی زیارت کا بغض ڈال دیتا ہے"۔
زید ابن شحام کا کہنا ہے کہ میں امام جعفر صادق (علیہ السلام) کے حضور میں شرفیاب تھا۔ میں نے عرض کیا: امام حسین (علیہ السلام) کے زائر کے لئے کیا ثواب ہے؟ آپؑ نے فرمایا: "كَمَنْ زَارَ اللَّهَ فِي عَرْشِهِ"، "اس شخص کی طرح ہے جس نے اللہ کی اس کے عرش میں زیارت کی ہو"، میں نے عرض کیا: تو آپ حضراتؑ میں سے کسی ایک کی زیارت کا کیا ثواب ہے؟ آپؑ نے فرمایا: "كَمَنْ زَارَ رَسُولَ اللَّهِ صلى الله عليه وآله"(بحارالانوار، ج۹۷، ص۱۱۹)، "اس شخص کی طرح ہے جس نے رسول اللہ (صلی اللہ علیہ وآلہ) کی زیارت کی ہو"۔

۔۔۔۔۔

(کامل الزیارات، ابن قولويه القمي)

(بحارالانوار، علامہ مجلسی، دارالاحیاء التراث، ١٤٠٣)