رازکو چھپانے کی اہمیت

امام امیر المؤمنین علیہ السلام فرماتے ہیں : صَدْرُ الْعَاقِلِ صُنْدُوْقُ سِرِّهٖ، وَ الْبَشَاشَةُ حِبَالَةُ الْمَوَدَّةِ، وَ الِاحْتِمَالُ قَبْرُ العُیُوْبِ.[1] عقلمند کا سینہ اس کے رازوں کا مخزن ، کشادہ روئی محبت و دوستی کا پھندا اور تحمل و بردباری عیبوں کا مدفن ہے۔

یا حضرتؑ نے ایک دوسرے مقام پر یوں فرمایا کہ: اَلْمُسَالَمَةُ خِبَآءُ الْعُیُوْبِ ۔ صلح و صفائی عیبوں کو چھپانے کا ذریعہ ہے۔

مختصر تشریح:

امیر المؤمنین امام علی علیہ السلام کا اس حکمت میں ارشاد ہیکہ ایک عاقل انسان ہمیشہ اپنے اور دوسروں کے رازوں کو کبھی بھی کسی کے سامنے بیان نہیں کرتا کیونکہ راز اس وقت تک انسان کا غلام ہے جب تک اسے کسی کے سامنے بیان نہیں کیا ہے لیکن جب راز کو بیان کردیا تو اب آپ اس کے غلام ہوگئے ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حوالہ :
1: نہج البلاغہ حکمت 5